Hefur hafnað öllum tilboðum

Pep Guardiola.

Pep Guardiola. AFP/Jordan Bank

Spænski knattspyrnuþjálfarinn Pep Guardiola hefur hafnað öllum tilboðum sem honum hafa borist að undanförnu, bæði frá Sádi-Arabíu og ítalska knattspyrnusambandinu.

Josep Maria Orobitg, umboðsmaður Guardiola, staðfesti í samtali við sádí-arabíska fjölmiðla að tilboð hefðu borist frá Sádi-Arabíu um að Guardiola tæki við félagsliði þar í landi eða landsliðinu.

„Okkur hafa borist tilboð frá Sádi-Arabíu í gegnum milligöngumenn undanfarna daga,“ sagði Orobitg.

Guardiola ákvað að taka sér frí frá þjálfun eftir rúmlega tíu ár hjá Manchester City.

Hann hafnaði einnig áhuga ítalska knattspyrnusambandsins á að fá hann til starfa. Ekki verður farið að ræða framtíð hans formlega fyrr en í upphafi næsta tímabils.

内容来自 Mbl.is,版权归原作者所有。

阅读原文 ↗

用 HomepageTab 新标签页关注 RSS,打开浏览器就能看到更新。

安装 HomepageTab