Gagnrýnir aðgerðarleysi fyrir andlát sonar síns
Móðir Billys Vigar hefur spurt hvers vegna enska knattspyrnusambandið hafi ekki brugðist við fyrri viðvörunum um öryggismál áður en sonur hennar hlaut banvæna áverka í leik.
Vigar, sem lék m.a. með yngri liðum Arsenal, var aðeins 21 árs þegar hann lést eftir að hafa skollið á steinvegg þegar hann lék með Chichester City gegn Wingate & Finchley í september á síðasta ári.
„Ég skil ekki hvernig FA gat beðið eftir því að Billy dæi áður en gripið var til nokkurra aðgerða,“ sagði Camilla Vigar fyrir dánardómstólnum í Norður-Lundúnum.
Hún sagði að fyrri rannsókn hefði leitt í ljós að mikil slysahætta væri til staðar hjá um 160 félögum, þar á meðal Wingate & Finchley, en sambandið hefði ekki brugðist við.
FA bannaði veggi umhverfis velli í upphafi þessa tímabils í kjölfar endurskoðunar á öryggismálum.
内容来自 Mbl.is - Íþróttir - Fótbolti,版权归原作者所有。
阅读原文 ↗