Konur lesa meira en karlar

Bækur á Borgarbókasafninu.

Bækur á Borgarbókasafninu. mbl.is/Sigurður Bogi

Konur lesa meira en karlar á Íslandi. 

Þetta kemur fram í nýrri könnun Miðstöðvar íslenskra bókmennta. Hún sýndi að lestur landans hefði aukist heilt yfir. 

„Konur verja að jafnaði 80 mínútum á dag í bóklestur en karlar 49 mínútum.“

22% karla, eða rúmur fimmtungur, ver engum tíma í bóklestur á dag. Hið sama má segja um 10% kvenna.

„Hjá bæði konum og körlum hefur þetta hlutfall lækkað frá því í fyrra, þegar það var 24% hjá körlum og 15% hjá konum.“

Konur lásu að jafnaði þrjár bækur síðastliðinn mánuð en karlar rétt undir tveimur.

Konur hlusta líka á fleiri hljóðbækur en karlar. 37% kvenna hlusta á hljóðbækur vikulega samanborið við 19% karla.

Fólk með tvö börn les mikið

„Þeir hópar sem lesa flestar bækur eru meðal annars konur, fólk með framhaldsnám á háskólastigi og fólk á aldrinum 25 til 34 ára.“

Athygli vekur að fólk með tvö börn í heimili eða fleiri les að jafnaði þrjár bækur á mánuði sem er marktækt hærra samanborið við tvær bækur hjá þeim sem hafa engin börn í heimili.

Alls hafa 76% landsmanna lesið hefðbundna bók síðustu tvo mánuði en það er 4% aukning frá því í fyrra þegar hlutfallið var 72%.

内容来自 Mbl.is,版权归原作者所有。

阅读原文 ↗

把喜欢的内容,留在你的新标签页。

打开我的订阅