Grátlegt hjá Valsmönnum
Valur mátti þola tap með minnsta mun fyrir Tatabánya frá Ungverjalandi, 29:28, í riðlakeppni Evrópudeildar karla í handbolta í Tatabánya í kvöld.
Valsmenn eru í öðru sæti H-riðilsins með fjögur stig eftir tapið en þetta var fyrsti sigur Tatabánya, sem er í þriðja sæti með tvö. Slovan frá Slóveníu er síðan efst með sex stig og danska liðið Mors-Thy neðst með tvö.
Gunnar Róbertsson kom Valsmönnum tveimur mörkum yfir þegar þrjár mínútur voru eftir, 28:26, en Tatabánya skoraði síðustu þrjú mörk leiksins og vann með marki frá Tamás Papp á síðustu sekúndum leiksins.
Arnór Snær Óskarsson skoraði átta mörk fyrir Val og Gunnar sjö. Færeyingurinn Bjarni í Selvindi kom þar á eftir með fimm mörk. Stiven Tobar Valencia lék þá aftur með Val í fyrsta sinn í kvöld og skoraði þrjú mörk.
Björgvin Páll Gústavsson varði þá átta skot og var með 22% markvörslu.
内容来自 mbl.is - Íþróttafréttir,版权归原作者所有。
阅读原文 ↗