Eignaðist sitt fyrsta barn 42 ára
Lavigne heldur dóttur sinni þétt að sér á svarthvítri mynd sem hún deildi með aðdáendum. Skjáskot/Instagram
Söngkonan Avril Lavigne hefur eignast sitt fyrsta barn. Lavigne, sem er 42 ára, greindi frá fæðingunni á Instagram um helgina og birti fyrstu myndirnar af dóttur sinni.
Á einni myndinni halda foreldrarnir í litla hönd dóttur sinnar og á annarri hvílir hún við brjóst móður sinnar. Á þeirri síðustu má sjá þrjú pör af köflóttum Vans-skóm á hjólabretti, tvö í fullorðinsstærð og eitt agnarsmátt.
Lavigne tilkynnti um fæðingu dóttur sinnar með mynd af þremur pörum af köflóttum Vans-skóm á hjólabretti, tveimur stórum og einu agnarsmáu. Skjáskot/Instagram
Lavigne hefur ekki greint opinberlega frá því hver barnsfaðir hennar er. Þegar ástarlífið bar á góma í hlaðvarpinu Call Her Daddy árið 2024 vildi hún ekki svara því hvort hún væri í sambandi. Hún sagði þó að mestu máli skipti að finna einhvern sem maður ætti vel við og gæti treyst.
Fulltrúi Lavigne segir í samtali við People að söngkonan njóti nú samverunnar með fjölskyldunni og vinni jafnframt að nýrri plötu. Hún vilji þakka aðdáendum sínum fyrir hlýhuginn.
内容来自 Mbl.is - Fólkið - Fólk,版权归原作者所有。
阅读原文 ↗/frimg/1/69/29/1692928.jpg)
