Krímskagabrú endurreist: „Verður enn betri en áður“
Stjórnvöld í Kreml segja að brúin sem tengir hernumda Krímskaga við Rússland verði „enn betri“ eftir að hún hefur verið endurreist í kjölfar umfangsmikillar úkraínskrar árásar sem olli verulegu tjóni.
„Það leikur auðvitað enginn vafi á því að brúin verður endurreist og verður enn betri en áður,“ sagði Dmítrí Peskov, talsmaður Kremlar, samkvæmt rússneskum ríkisfjölmiðlum.
Skjáskot úr myndskeiði á Telegram-reikningi Selenskís Úkraínuforseta sem á að sýna skemmdirnar á brúnni. AFP
Gerðu „fordæmalausa“ árás
Volodimír Selenskí Úkraínuforseti sagði í dag að stjórnvöld í Kænugarði hefðu gert „fordæmalausa“ árás á brúna til að hefna fyrir árásir Rússa á úkraínska innviði og sagði hana hafa valdið skemmdum á bæði vegar- og járnbrautarhluta brúarinnar.
Brúin var smíðuð eftir að Rússland innlimaði skagann við Svartahaf árið 2014 og um hana fara bæði lestir og bílar. Úkraínumenn hafa þó nokkrum sinnum gert árás á brúna eftir að Rússar réðust inn í Úkraínu árið 2022.
内容来自 Mbl.is - Helstu fréttir,版权归原作者所有。
阅读原文 ↗

