Sem betur fer gekk allt vel með dóttur hans

Daníel Leó var í byrjunarliðinu í kvöld.

Arnar Gunnlaugsson segir Daníel Leó Grétarsson hafa þróast í einn mikilvægasta leikmann íslenska karlalandsliðsins í knattspyrnu.

Daníel tók þátt í síðustu leikjum Íslands í Þjóðadeildinni þrátt fyrir erfiðar aðstæður í fjölskyldunni, en dóttir hans þurfti nýverið að gangast undir stóra aðgerð.

„Ótrúlegur karakter. Sem betur fer gekk þetta allt vel með dóttur hans,“ sagði Arnar eftir 3:0 sigur Íslands á Lúxemborg í kvöld.

Daníel hefði komið tilbúinn til leiks og liðið þurft mikið á honum að halda vegna meiðsla og leikbanna annarra varnarmanna.

Arnar sagði varnarmanninn jafnframt hafa náð góðum tökum á þeim kröfum sem gerðar væru til hans í leikskipulaginu. Hann hefði þurft að læra að stíga ofar á völlinn og sækja fast að sínum manni.

„Eftir að hann skildi það þá elskaði hann að fara í þann leiðangur að vinna návígi.“

Framlag Daníels væri þó ekki síður mikilvægt með boltann.

„Hann er orðinn miklu betri á boltann heldur en marga grunar og flestar sóknir hefjast eiginlega með hans framlagi.“

Sigurinn tryggði Íslandi efsta sætið í riðli sínum í C deild og sæti í B deild.

内容来自 Mbl.is - Íþróttir - Fótbolti,版权归原作者所有。

阅读原文 ↗

把喜欢的内容,留在你的新标签页。

打开我的订阅