Mér var drullukalt

Arnar Gunnlaugsson

Arnar Gunnlaugsson Ljósmynd/Alex Nicodim

„Mér var alveg drullukalt,“ sagði Arnar Gunnlaugsson, landsliðsþjálfari karla í knattspyrnu, eftir 3:0 sigur Íslands á Lúxemborg á Laugardalsvelli í kvöld.

Leikið var í miklum kulda þegar Ísland tryggði sér sigur í riðli sínum í C deild Þjóðadeildarinnar og sæti í B deild.

Arnar taldi leikmennina hafa verið fljóta að ná úr sér kuldanum en aðstæðurnar hefðu sett mark sitt á leikinn.

„Það var alveg greinilegt að þetta var svolítill leikur mistaka,“ sagði hann.

Leikmenn hefðu þurft tíma til að átta sig á hraða boltans og því hvernig hann skoppaði og rúllaði. Það hefði meðal annars birst í ónákvæmum sendingum og löngum boltum sem færu ýmist of langt eða of stutt.

Aðstæðurnar hefðu þó stundum nýst Íslandi í hröðum sóknum.

Arnar taldi þær raunar hafa hentað íslenska liðinu betur. Styrkur þess í gagnpressunni hefði skapað möguleika á að vinna boltann og sækja hratt.

„Miðað við aðstæður þá var þetta hinn fínasti leikur.“

内容来自 Mbl.is,版权归原作者所有。

阅读原文 ↗

把喜欢的内容,留在你的新标签页。

打开我的订阅