Vonandi rétt að byrja
Arnar Gunnlaugsson telur íslenska karlalandsliðið í knattspyrnu hafa tekið mikilvæg skref á árinu og vonast til þess að árangurinn verði undirstaða atlögu að sæti á stórmóti.
Ísland lauk landsliðsárinu með 3:0 sigri á Lúxemborg á Laugardalsvelli í kvöld og vann þar með riðil sinn í C deild Þjóðadeildarinnar.
Arnar var sérstaklega ánægður með varnarleik liðsins.
„Varnarleikurinn okkar er bara mjög sterkur, bara gríðarlega sterkur,“ sagði hann eftir leikinn.
Hann taldi mesta hættu skapast þegar Ísland missti boltann og andstæðingarnir fengju tækifæri til skyndisókna. Liðið væri hins vegar á góðri leið og pressan bæði sterk og árásargjörn.
„Mér finnst þessi sigur loka þessu góða ári mjög vel.“
Arnar benti á að einu töp ársins hefðu komið gegn Japan og Argentínu. Hann væri ánægður með þróun liðsins en vildi sjá enn meira á næsta ári.
„Þetta er vonandi bara rétt að byrja,“ sagði Arnar og kvaðst vonast til að árangurinn gæfi liðinu innspýtingu til að gera alvöru atlögu að stórmóti árið 2027.
内容来自 mbl.is - Íþróttafréttir,版权归原作者所有。
阅读原文 ↗