Eiður Smári átti erfitt með sig í beinni

Eiður Smári Guðjohnsen.

Eiður Smári Guðjohnsen. Ljósmynd/Kristinn Steinn

Eiður Smári Guðjohnsen átti erfitt með sig þegar hann ræddi um Aron Einar Gunnarsson eftir síðasta landsleik fyrrverandi fyrirliða íslenska landsliðsins í kvöld.

Eiður var í settinu hjá Sýn Sport eftir leik en Aron Einar lék sinn síðasta landsleik fyrir Íslands hönd þegar liðið vann 3:0-sigur á Lúxemborg í C-deild Þjóðadeildar Evrópu. Með sigrinum tryggði Ísland sér efsta sæti riðilsins og þar með sæti í B-deild í næstu keppni.

Aron lék sinn 113. landsleik í kvöld og jafnaði þar með leikjamet Birkis Bjarnasonar.

„Það er bara kúl að gráta aðeins. Þetta hellist yfir mann og allt í einu er þessi kafli búinn, en hvað getum við annað sagt? Hann er fyrirliðinn, eins og strákarnir komu inn á. Þegar við förum og gúgglum fyrirliða þá er hann á mynd ásamt stórum og merkum mönnum,“ sagði Eiður í útsendingunni.

Aron Einar lék sinn síðasta landsleik í kvöld.

内容来自 mbl.is - Íþróttafréttir,版权归原作者所有。

阅读原文 ↗

把喜欢的内容,留在你的新标签页。

打开我的订阅